आज काठमाडौंमा राप्रपा नेपालले विरोध प्रदर्शन गर्ने भएको छ । संयुक्त संयोजित संगठनद्वारा आयोजित विरोध प्रदर्शन दिउँसो २ बजे हुने भएको हो।

देशका विभिन्न भू–भागमा आज पनि वर्षाको सम्भावना रहेको छ। केही स्थानमा भारी वर्षाको समेत सम्भावना रहेको छ। 

नेपाली कांग्रेस केन्द्रीय समिति बैठक आज पनि बस्दै छ। बैठक बिहान ११ बजेबाट केन्द्रीय कार्यालय सानेपामा सुरु हुनेछ। 

उपप्रधानमन्त्री एवं गृहमन्त्री नारायणकाजी श्रेष्ठले सुन प्रकरणको अनुसन्धान स्वतन्त्र, निष्पक्ष र निष्कर्षमा पुग्ने बताएका छन्। 

राजस्व अनुसन्धान विभागको टोलीलाई गोप्य सूचना आएको थियो– त्रिभुवन अन्तर्राष्ट्रिय विमानस्थलबाट सुन तस्करी हुँदैछ।

प्रेस चौतारी नेपालका अध्यक्ष गणेश बस्नेतविरुद्ध प्रेस काउन्सिलमा उजुरी परेको छ। उपप्रधानमन्त्री एवं गृहमन्त्री नारायणकाजी श्रेष्ठविरुद्ध भ्रामक प्रचार गरेको आरोपमा उनीविरूद्ध उजुरी परेको हो। 

मणिपुर हिंसाबारे प्रधानमन्त्री मोदीले पहिलोपटक आफ्नो प्रतिक्रिया दिएका हुन्।

राजस्व अनुसन्धान विभागले बुधबार साँझ त्रिभुवन अन्तर्राष्ट्रिय विमानस्थलबाट करिब सय किलो सुन बरामद गरेको प्रकरणमा थप एक जना चिनियाँ नागरिक पक्राउ परेका छन्।