भारतबाट फर्किनेलाई नाकामा खाना खुवाइँदै


विचार
आयोमेल संवाददाता
बालुवाटारमा ओलीले भने–स्वास्थ्य प्रणाली कोल्याप्स भयो भन्नु भएन…

काठमाडौं–प्रधानमन्त्री केपी शर्मा ओलीले कोरोना महामारी नियन्त्रणमा लिन सक्रियताका साथ

आयोमेल संवाददाता
ओमानबाट ल्याइयो ५६० थान अक्सिजन सिलिण्डर

काठमाडौं–नेपाल एयरलाइन्सले ओमानबाट ५ सय ६० थान अक्सिजन सिलिन्डर काठमाडौं

आयोमेल संवाददाता
जसपाको उपेन्द्र पक्षले भन्यो–संसदीय दलको नेता चयन भएको…

काठमाडौं–जनता समाजवादी पार्टीको उपेन्द्र यादव पक्षले पार्टीमा हालसम्म संसदीय दलका


कोरोनाका कारण अलपत्र परेर भारतबाट स्वदेश फर्किने नेपालीलाई नाकामै तयारी खाना खुवाउन थालिएको छ। 

बाँके युनेस्को क्लको संयोजनमा लामो यात्रा गरेर भोक र तिर्खाले थलो परेका नेपालीलाई केही राहत मिलोस् भन्ने उद्देश्यले जमुनाह नाकामा तयारी खाना, पानी र मास्क वितरण सुरु गरिएको छ। 

बाँके युनेस्को क्लबका संरक्षक प्रज्वल अली सिद्दिकीले भारतबाट स्वदेश फर्किने ३० हजार जनालाई खाना, पानी र मास्क वितरण गर्ने लक्ष्य राखिएको बताए। उनले भारतबाट फर्किनेहरू भोक, प्याससै नाका आइपुग्ने गरेकाले मानवीय सेवाका लागि अभियान सुरु गरेको बताए। 
‘कोरोनाको जोखिम क्षेत्रबाट आएकाले मास्कसमेत नपाएको भन्ने गुनासो आएपछि फर्किन सबैलाई मास्क वितरण गर्ने योजना बनायौं,’ सिद्दिकीले भने।
प्रदेश सभाका सभासद कृष्णा केसी, बाँकेका प्रमुख जिल्ला अधिकारी रामबहादुर कुरुम्वाङ, नेपाली सेनाका कर्णेल नकुल थापा, बाँकेका प्रहरी प्रमुख एसपी वीरबहादुर ओली र सशस्त्र प्रहरीका एसपी दीपक अधिकारीलगायतले नेपालगन्ज भन्सार कार्यालयको यात्रु शाखामा भारतबाट आएका नेपालीलाई तयारी खाना खुवाएर कार्यक्रम सुरुवात गरे।

कोरोनाको जोखिम क्षेत्रबाट आएकाले मास्कसमेत नपाएको भन्ने गुनासो आएपछि फर्किन सबैलाई मास्क वितरण गर्ने योजना बनायौं  

प्रदेशसभा सदस्य केसीले भारतबाट आउने नेपालीलाई तयारी खाना, पानी र मास्क दिएर बाँके युनेस्को क्लबले मानवीय सेवा गरेको बताइन्। उनले नेपाल फर्किनेको राम्रो व्यवस्थापनबाटै कोरानो भाइरसलाई परास्त गर्न सकिने धारणा राखिन्। 
कर्णेल थापाले भारतबाट आउनेका लागि जमुनाह नाकामा गरिएको व्यवस्थाका बारेमा जानकारी गराए।

प्लान इन्टरनेसनल नेपाल, नेपालगन्ज एरिया अफिसका म्यानेजर मीना पराजुलीले भारतबाट फर्किनेको दुःख र पीडालाई मनन गरेर केही हदसम्म भए पनि राहत मिलोस् भन्ने उद्देश्यले तयारी खाना, पानी र मास्क वितरण सुरु गरिएको बताइन्।

नेपालगन्ज नाकाबाट अहिले दैनिक सरदर १ हजार ५ सय नेपाली आउने गरेका छन्। भारतबाट आउनेलाई रुपैडिहाबाट गाडीमा हालेर सिधै सम्बन्धित जिल्ला र स्थानीय तहमा पुर्याउने गरिएको छ। बाँकेका नागरिकलाई महेन्द्र बहुमुखी क्याम्पसको क्वारेन्टाइन र अन्य जिल्लाका सर्वसाधारणलाई सम्बन्धित जिल्लामा पठाउने गरिएको प्रमुख जिल्ला अधिकारी कुरुम्बाङले बताए।

बिहीबारदेखि सुरु सेवाबाट सोमबार बिहानसम्म ३ हजार ३ सय ४ जनालाई तयारी खाना, पानी र मास्क वितरण गरिएको बाँके युनेस्को क्लबका अध्यक्ष राजेन्द्र चौधरीले जानकारी दिए। उनले खाना खुवाउने काम रातिसम्म जारी रहने गरेको बताए।
 


प्रतिक्रिया दिनुहोस्
थप समाचार
बालुवाटारमा ओलीले भने–स्वास्थ्य प्रणाली कोल्याप्स भयो भन्नु भएन नि!

काठमाडौं–प्रधानमन्त्री केपी शर्मा ओलीले कोरोना महामारी नियन्त्रणमा लिन सक्रियताका साथ लाग्नुपर्ने बताएका छन्। प्रधानमन्त्री निवास बालुवाटारमा शनिबार स्वास्थ्य क्षेत्रसँग सम्बन्धित

ओमानबाट ल्याइयो ५६० थान अक्सिजन सिलिण्डर

काठमाडौं–नेपाल एयरलाइन्सले ओमानबाट ५ सय ६० थान अक्सिजन सिलिन्डर काठमाडौं ल्याइपुर्‍याएको छ। एयरलाइन्सको वाइडबडी जहाजले ओमानको राजधानी मस्कटबाट अक्सिजन सिलिन्डर

जसपाको उपेन्द्र पक्षले भन्यो–संसदीय दलको नेता चयन भएको छैन

काठमाडौं–जनता समाजवादी पार्टीको उपेन्द्र यादव पक्षले पार्टीमा हालसम्म संसदीय दलका नेता चयन नभएको जनाएको छ। केन्द्रीय कार्यकारिणी समितिका तर्फबाट प्रकाश

कांग्रेसले प्रदेशस्तरमा कोभिड-१९ को अवस्थाबारे कार्यक्रम गर्दैे

काठमाडौं–नेपाली कांग्रेसले आइतबारदेखि सातै प्रदेशमा जुम प्रविधिमार्फत् ‘कोभिड-१९ को अवस्था र कांग्रेसको भूमिका’ विषयमा प्रदेशस्तरीय अन्तरक्रिया गर्ने भएको छ ।