शंकर पोखरेलको शपथग्रहणलाई अवरोध गर्ने विपक्षी गठबन्धनको तयारी


विचार
आयोमेल संवाददाता
सर्वोच्चलाई सभामुखको जवाफ–संसदप्रति यस्तो अनैतिक कार्य इतिहासमै कहिल्यै…

सभामुख अग्निप्रसाद सापकोटाले संसदीय व्यवस्थामा प्रधानमन्त्री जन्माउने संसदप्रति यहाँसम्मको अनैतिक

आयोमेल संवाददाता
कांग्रेस केन्द्रीय समिति बैठक : संशोधित कार्यतालिकामाथि छलफल

१४ औं महाधिवेशनको संशोधित कार्यतालिकासहित पदाधिकारी एवं पूर्वपदाधिकारी बैठकले पेश

आयोमेल संवाददाता
निजामती कर्मचारी युनियनको निर्वाचन गराउन सर्वोच्चको आदेश

सर्वोच्च अदालतले निजामती कर्मचारीको आधिकारिक ट्रेड युनियनको निर्वाचन तत्काल अघि


काठमाडौं–लुम्बिनी प्रदेशका विपक्षी गठबन्धनले शंकर पाखरेलको शपथग्रहण अवरोध गर्ने तयारी गरेका छन्। नेकपा माओवादी केन्द्रका संसदीय दलका नेता कुलप्रसाद केसीलाई मुख्यमन्त्रीमा प्रस्ताव गर्दै ४२ प्रदेशसभा सदस्यको हस्ताक्षर गर्दै प्रदेश प्रमुखसमक्ष दावी पेश गरेका विपक्षी गठबन्धनले शपथग्रहण अवरोध गर्ने तयारी गरेका छन्।

केसीलाई मुख्यमन्त्रीमा प्रस्ताव गर्दै नेपाली कांग्रेस, माओवादी केन्द्र, राष्ट्रिय जनमोर्चा, जसपा र स्वतन्त्र समूहका ४२ सांसदले अपराह्न प्रदेश प्रमुख धर्मनाथ यादवसमक्ष दावी पेश गरेका छन्।

मुख्यमन्त्रीका लागि दावी प्रस्तुत गरेका विपक्षी गठबन्धनका प्रदेश सांसदहरू पोखरेलको शपथग्रहण रोक्न माग राख्दै प्रदेश प्रमुख कार्यालय परिसरमा धर्नामा बसेका छन्।

असंवैधानिक तरिकाले एमाले संसदीय दलका नेता शंकर पोखरेलको शपथग्रहण रोक्न आफूहरूले प्रदेश प्रमुखसमक्ष माग राखेको कांग्रेसका प्रमुख सचेतक फकिनुद्दिन खानले बताए।

उनले बहुमत नै नरहेको दलका संसदीय दलका नेतालाई जबरजस्ती शपथग्रहण गराउन खोजिए अवरोध गरिने बताए।

‘बहुमत नै नभएको व्यक्तिलाई संविधान मिचेर गरिएको नियुक्ति बदर गर्न हामीले प्रदेश प्रमुखलाई भनेका छौं,’ आयोमेलसँग खानले भने,‘उहाँले जबरजस्ती शपथग्रहण गराउन खोज्नु भयो भने अवरोध हुन्छ। हामी प्रदेश प्रमुख कार्यालयको परिसरमै धर्नामा बसेका छौं।’

प्रदेश प्रमुख यादवले मुख्यमन्त्रीमा पूर्ननियुक्त भएका पोखरेलको आजै शपथग्रहण गराउने तयारी गरेका छन्।

सरकार गठनका लागि आवश्यक बहुमत संख्या ४१ जना आफूसँग रहेको दावी पोखरेलले गरे पनि चार जना प्रदेश सांसदले उनको साथ छोडिसकेका छन्।

मुख्यमन्त्रीमा पोखरेल नियुक्त भएसँगै एमाले प्रदेशसभा सदस्य दृगनारायण पाण्डेले राजीनामा दिएका छन्।

यसैगरी नेकपा माओवादी केन्द्रबाट उपनिर्वाचन जितेकी विमला वलीले माओवादी केन्द्र रोजेकी छिन्।

यता एमालेको चुनाव चिह्न सूर्यबाट चुनाव जितेका स्वतन्त्र समूहका धर्मबहादुर लाल श्रीवास्तव र अजय शाहीपनि पोखरेलको साथ छोडेर विपक्षी गठबन्धनतिर उभिएका छन्।

४१ मध्ये ४ जनाले साथ छोडिसकेपछि एमालेसँग अहिले ३७ प्रदेश सांसद रहेका छन्।


प्रतिक्रिया दिनुहोस्
थप समाचार
सर्वोच्चलाई सभामुखको जवाफ–संसदप्रति यस्तो अनैतिक कार्य इतिहासमै कहिल्यै भएको थिएन…

सभामुख अग्निप्रसाद सापकोटाले संसदीय व्यवस्थामा प्रधानमन्त्री जन्माउने संसदप्रति यहाँसम्मको अनैतिक र संसदीय मूल्यमान्यताविपरीत कार्य इतिहासमा पहिले कहिल्यै नभएको बताएका छन्।

कांग्रेस केन्द्रीय समिति बैठक : संशोधित कार्यतालिकामाथि छलफल

१४ औं महाधिवेशनको संशोधित कार्यतालिकासहित पदाधिकारी एवं पूर्वपदाधिकारी बैठकले पेश गरेको प्रस्तावमाथि विहीबारदेखि सुरू भएको केन्द्रीय समिति बैठकमा छलफल सुरू

निजामती कर्मचारी युनियनको निर्वाचन गराउन सर्वोच्चको आदेश

सर्वोच्च अदालतले निजामती कर्मचारीको आधिकारिक ट्रेड युनियनको निर्वाचन तत्काल अघि बढाउन अन्तरिम आदेश जारी गरेको छ । न्यायाधीश हरिप्रसाद फुयाँलको

मेलम्ची बाढी : दुई चिनियाँ र एक भारतीयको शव फेला,…

सिन्धुपाल्चोकको इन्द्रावतीमा आएको बाढीमा परी हराइरहेकामध्ये ३ जनाको शव फेला परेको छ।दुई चिनियाँ र एक भारतीय नागरिकको शव फेला परेको