गाईजात्रा पर्वबारे भक्त्तपुर नगर प्रमुखको सन्देश


विचार
आयोमेल संवाददाता
निषेधाज्ञामा सुनसान झापा [फोटो फिचर]

झापा–झापामा शनिबारदेखि कडा रुपमा लागू गरिएको निषेधाज्ञाको पूर्णपालना भएको छ।

आयोमेल संवाददाता
इजरायल र प्यालेस्टाइनबीच संघर्ष चर्किएपछि अमेरिकी विशेष दूत…

तेलअभिभ–इजरायल र प्यालेस्टाइनबीच केही सातायता जारी संघर्ष झन् चर्किएपछि अमेरिकी

आयोमेल संवाददाता
सुरुङभित्र मजदूरको मृत्यु : अरुण तेस्रोको काम ठप्प

संखुवासभा–संखुवासभाको निमार्णाधीन ९०० मेगावाटको अरुण तेस्रो जलविद्युत् परियोजनाको विद्युत् गृहस्थलको


सरकारले लकडाउन खुकुलो पारेको छ। यसको अर्थ हामी संक्रमणबाट मुक्त भइसकेको भन्ने होइन। अझ संक्रमणको खतरा बढेको छ।

काम गरी खान कुनै बाधा व्यवधान नहोस् भनेर सरकारले लामो समयपछि लकाउन हटाएको हो। तर, पूर्ण रूपमा हटाइसकेको छैन।

लकडाउन फिर्ताको अर्थ भीडभाड गरी भोज भतेर गर्न, जात्राहरू सञ्चालन गर्न, देवी-देवताका देवालय, मठमन्दीर भएका स्थानमा ठूलो समूह भेला भएर मनोरञ्जन गर्न वा पुजाआजा गर्न तथा सांस्कृतिक प्रदर्शन गर्न छुट दिएको होइन। त्यस्तो बुझाई कसैमा छ भने त्यो गलत हो।

कोरोना भाइरसको संक्रमण दिनप्रतिदिन बढ्दै गइरहेको छ। देशभरमा अहिले संक्रमितहरूको संख्या १९ हजार नाघिसकेको छ। 

काठमाडौं उपत्यकामै तीन सयभन्दा बढी संक्रमित र ५० जनाभन्दा बढीको मृत्यु भइसकेको सरकारी तथ्याङ्कले देखाएको छ।

विज्ञहरूका अनुसार नेपालमा कोरोनाको संक्रमण समुदायस्तरमा फैलिसकेको छ। कोरोनाका कारण मृत्यु हुनेको संख्या क्रमशः बढ्दैछ। समाजमा भयावह स्थिति आउनेतर्फ विज्ञहरूले निरन्तर सचेत पार्दै आउनुभएको छ।

रोगले जाति, भाषा, क्षेत्र र वर्ग चिन्दैन। सबैले आफ्नो सुरक्षा आफैले अपनाउनु नै कोरोना भाइरस संक्रमणबाट बच्ने सहज उपाय हो। साबुन पानीले हात धुनु, सेनिटाइजर प्रयोग गर्नु र मास्क लगाउनु अरु कसैको निम्ति नभएर आफ्नै लागि हो। त्यसैले सबै नागरिकहरूलाई सुरक्षित साथ आफ्नो काममा लाग्नु हुन भक्तपुर नगरपालिकाको तर्फबाट आग्रह गर्दछौं।

वीरगञ्ज, राजविराज, विराटनगरलगायतका ठाउँहरूमा निषेधाज्ञा जारी गरी स्थानीय तहले जनतालाई रोग संक्रमणबाट बचाउने प्रयास गरिरहेका छन्। हामीमा जोखिम त्यो तहमा नपुगे पनि कुनै पनि बेला उपत्यकामा पुरै संक्रमणको भयावह स्थिति हुनसक्नेबारे हामी सचेत हुनैपर्छ।

आदरणीय जनसमुदाय, 

गाईजात्रा नजिकिँदैछ। भक्तपुरको गाईजात्रा विशेष प्रकारको जात्रा हो। देशका विभिन्न ठाउँबाट गाईजात्रा हेर्न मानिसहरू भक्तपुर आउने गर्छन्। 

गाईजात्रा पर्वलाई अनुशासित, मर्यादित र व्यवस्थित गर्न र संस्कृति संरक्षण गर्न यसअघि भक्तपुर नगरपालिकाले गाईजात्राको समयावधिभर प्रस्तुत हुने परम्परागत र आधुनिक विधाका छुट्टाछुट्टै मूल्याङ्कन गरी पुरस्कारको समेत व्यवस्था गर्दै आएको सर्वविदित्तै छ।

तर, यसवर्ष कोरोना भाइरसका कारण हामी अत्यन्तै सचेततापूर्वक हिँड्नुपर्ने अवस्थामा छौं। त्यसैले भक्तपुर नगरपालिकाले जिल्ला प्रशासन कार्यालय, महानगरी प्रहरी परिसर, गुठी संस्थान, भैरवनाथ जात्रा सहयोग समिति, बाराही द्योछेँ, भैरवनाथ नाइके, आकाश भैरव नौ दाफा, चपाः दाफा भजन, दत्तात्रय दाफा भजनलगायत सरोकारवालाहरूका प्रतिनिधिहरूसँग पटक पटक बैठक गरी यो वर्ष गाईजात्रामा घिन्ताङघिसी नलाने, दाफा भजनमा सहभागी नहुने र सामान्य औपचारिकता मात्र सिमित गर्ने निर्णय गरेको जानकारी गराउन चाहन्छौं।

त्यसैगरी गुँला बाजा समूहका प्रतिनिधिहरूको भेलाले यो वर्ष गुँला बाजा स्थगित गर्ने निर्णय गरेको छ। नगरपालिकाको भावनालाई साथ दिनुभएकोमा उहाँहरू सबैलाई भक्तपुर नगरपालिका धन्यवादज्ञापन गर्दछ। कोरोना संक्रमणलाई ध्यानमा राखेर गाईजात्रा सामान्य औपचारिकतामा सीमित गर्ने निर्णयअनुसार यहाँहरूले गाईजात्रामा भिडभाड हुने घिन्ताङघिसी ननिकाल्न, परम्परागत र आधुनिक तथा सांस्कृतिक विधाहरू प्रदर्शन नगर्न तथा पञ्चदानजस्ता पर्वहरू नमनाउन सम्पूर्ण नगरबासीहरूमा हार्दिक अपिल गर्दछौं। 

हामी स्वस्थ रह्यौं भने चाडपर्व र जात्रा हामी अर्को वर्ष मनाऔंला। समाजलाई कोरोना संक्रमणबाट बचाउने महान अभिभारा हाम्रो काँधमा छ। तपाईं हामी मिलौं, कोरोनाबाट समाजलाई बचाऔं। यो नै हाम्रो आजको सबभन्दा ठूलो जिम्मेवारी हो। सबैले आ-आफ्नो ठाउँबाट जिम्मेवारी पूरा गरौं।


प्रतिक्रिया दिनुहोस्
थप समाचार
निषेधाज्ञामा सुनसान झापा [फोटो फिचर]

झापा–झापामा शनिबारदेखि कडा रुपमा लागू गरिएको निषेधाज्ञाको पूर्णपालना भएको छ। दुई सातादेखि जारी निषेधाज्ञा पूर्ण पालना नभएपछि शुक्रबार झापाका प्रमुख

इजरायल र प्यालेस्टाइनबीच संघर्ष चर्किएपछि अमेरिकी विशेष दूत तेलअभिभमा

तेलअभिभ–इजरायल र प्यालेस्टाइनबीच केही सातायता जारी संघर्ष झन् चर्किएपछि अमेरिकी विशेषदूत हाडी अम्र तेलअभिभ पुगेका छन्। उनले यसक्षेत्रमा शान्ति कायम

सुरुङभित्र मजदूरको मृत्यु : अरुण तेस्रोको काम ठप्प

संखुवासभा–संखुवासभाको निमार्णाधीन ९०० मेगावाटको अरुण तेस्रो जलविद्युत् परियोजनाको विद्युत् गृहस्थलको काम बुधबारदेखि ठप्प भएको छ। सुरुङभित्र मजदूरको मृत्यु भएपछि क्षतिपूर्तिको

राप्रपाको केन्द्रीय महाधिवेशन स्थगित

काठमाडौं – राष्ट्रिय प्रजातन्त्र पार्टीको आगामी जेठ २२–२५ सम्म काठमाडौंमा हुने भनिएको केन्द्रीय महाधिवेशन स्थगित भएको छ। राप्रपाका अध्यक्ष त्रय