भक्तपुरमा पूजाआजा गरी ‘खम्ये’ भित्र्याइयो 


विचार
आयोमेल संवाददाता
बालुवाटारमा ओलीले भने–स्वास्थ्य प्रणाली कोल्याप्स भयो भन्नु भएन…

काठमाडौं–प्रधानमन्त्री केपी शर्मा ओलीले कोरोना महामारी नियन्त्रणमा लिन सक्रियताका साथ

आयोमेल संवाददाता
ओमानबाट ल्याइयो ५६० थान अक्सिजन सिलिण्डर

काठमाडौं–नेपाल एयरलाइन्सले ओमानबाट ५ सय ६० थान अक्सिजन सिलिन्डर काठमाडौं

आयोमेल संवाददाता
जसपाको उपेन्द्र पक्षले भन्यो–संसदीय दलको नेता चयन भएको…

काठमाडौं–जनता समाजवादी पार्टीको उपेन्द्र यादव पक्षले पार्टीमा हालसम्म संसदीय दलका


भक्तपुरस्थित नवदुर्गा द्योछें (दसैंमा राष्ट्रपति आउने मन्दिर) मा खम्ये (राँगो) भित्र्याएको छ। 

दसैंमा धुमधामसाथ ठूलो जात्रागरी बली चढाउने खम्ये (राँगो) बर्सेनि नवदुर्गा द्योछेंमा नै भित्र्याउने परम्परा छ। 

दसैंको महानवमीसम्म नवदुर्गा द्योछेंमा राखेर रातभर जात्रा गरी खम्ये (राँगो) लाई बली चढाइन्छ।

नेपाल भाषामा खःमेय् भनेको निख्खर कालो राँगो हो। त्यही निख्खर कालो राँगोलाई दौडाएर गरिने जात्रालाई स्थानीय नेपाल भाषामा खःमेय् ब्वाकेगु जात्रा भनिन्छ। 

नवदुर्गामा ल्याइएको राँगोलाई मन्दिरकी नकीं न्हुछेमाया वनमालाले स्वागत गर्दै पूजाआजा गरेकी छन्। न्हुछेमायाले नै अब दसैंको नवमीसम्म उक्त राँगोकाे रेखदेख र हेरचाह गर्नेछिन्।

जात्राको विधि विधानअनुसार गथाःमग चह्रे चतुर्दशीको दिन नवदुर्गा मन्दिरमा खःमेय् बाँध्ने किलामा डोरी बाँध्नुपर्ने प्रचलन रहेको नवदुर्गा देवगणका नाइके बुद्धिकुमार वनमालाले जानकारी गराए।

राँगो छ भने त्यही दिन बाँध्ने तर खम्ये नभेटिने हुनाले उक्त दिन डोरी बाँधिसकेपछि खःमेयका लागि योग्य राँगो खोजी गरिन्छ। 

यसवर्ष भक्तपुर नगरपालिका–२ बालाखु निवासी विजेन्द्र पुलाछेंले  राँगो चढाएका हुन्। उनले काठमाडौंको गोकर्णबाट करिब ९० हजार रुपैयाँमा उक्त राँगो किनेर ल्याएको बताए।

विजेन्द्रले चार वर्षअघि नै राँगो चढाउने इच्छा व्यक्त गरेका थिए। जसअनुसार पाँचौं वर्षमा उनले नवदुर्गालाई राँगो चढाउने पालो पाएका छन्। 

पछिल्लो दस वर्षमा खःमेय् (राँगो) मधुसूदन अवाल, रामभक्त प्रजापति, राकेश दुवाल, रुद्रशेखर दुमरु (विकास), भाइकाजी श्रेष्ठ, राजकुमार प्रजापति, केशव बनेपाली, अष्टवीर वनमाला, राजेन्द्र दुमरु र बद्रीलक्ष्मी साखले चढाउने मौका पाएका थिए। यी सबै भक्तपुरवासी हुन्।

यसभन्दा केही वर्ष पहिला भने काठमाडौंवासीले पनि चढाउने अवसर पाएका थिए।

बर्सेनि घण्टाकर्णपछि र गाईजात्राभित्र खम्ये (राँगो) नवदुर्गा द्योछेंमा ल्याइसक्नुपर्ने चलन छ। यसअनुसार प्रत्येक वर्ष मिति मिलाएर खम्येलाई भित्राउने गरिन्छ। यसअघि खम्येका लागि साइत हेर्ने गरिन्थ्यो र मिल्ने व्यक्तिको घरमा पालेर राखेपछि किनेर ल्याउने गरिन्छ। 

द्योछेंमा राखेर पालिएको खम्येलाई प्रत्येक वर्ष दसैंको महानवमीको राति भक्तपुरको ब्रम्हायणीमा रातभर ठूलो जात्रासाथ बली दिइन्छ। यसको भोलिपल्ट ब्रम्हायणीमा ठूलो मेला लाग्दछ। जहाँ काठमाडौं उपत्यकाबाट दसौं हजार भक्तालु जात्रास्थल पुग्ने गर्दछ। 

यसअघि खम्येलाई नवमीको साँंझ नवदुर्गा द्योछेंबाट निकालेर दौडाउने गरिन्छ। जसलाई खम्ये जात्रा भनिन्छ। विशेष आकर्षणको यो जात्रा हेर्न भक्तपुर नगरभरि भीड लाग्ने गर्दछ। द्योछेंबाट निकालिएको खम्येलाई नगर परिक्रमा गराई ब्रम्हायणीमा पुर्याउने प्रचलन छ।


प्रतिक्रिया दिनुहोस्
थप समाचार
बालुवाटारमा ओलीले भने–स्वास्थ्य प्रणाली कोल्याप्स भयो भन्नु भएन नि!

काठमाडौं–प्रधानमन्त्री केपी शर्मा ओलीले कोरोना महामारी नियन्त्रणमा लिन सक्रियताका साथ लाग्नुपर्ने बताएका छन्। प्रधानमन्त्री निवास बालुवाटारमा शनिबार स्वास्थ्य क्षेत्रसँग सम्बन्धित

ओमानबाट ल्याइयो ५६० थान अक्सिजन सिलिण्डर

काठमाडौं–नेपाल एयरलाइन्सले ओमानबाट ५ सय ६० थान अक्सिजन सिलिन्डर काठमाडौं ल्याइपुर्‍याएको छ। एयरलाइन्सको वाइडबडी जहाजले ओमानको राजधानी मस्कटबाट अक्सिजन सिलिन्डर

जसपाको उपेन्द्र पक्षले भन्यो–संसदीय दलको नेता चयन भएको छैन

काठमाडौं–जनता समाजवादी पार्टीको उपेन्द्र यादव पक्षले पार्टीमा हालसम्म संसदीय दलका नेता चयन नभएको जनाएको छ। केन्द्रीय कार्यकारिणी समितिका तर्फबाट प्रकाश

कांग्रेसले प्रदेशस्तरमा कोभिड-१९ को अवस्थाबारे कार्यक्रम गर्दैे

काठमाडौं–नेपाली कांग्रेसले आइतबारदेखि सातै प्रदेशमा जुम प्रविधिमार्फत् ‘कोभिड-१९ को अवस्था र कांग्रेसको भूमिका’ विषयमा प्रदेशस्तरीय अन्तरक्रिया गर्ने भएको छ ।