केराको बोक्राले दिन्छ छालालाई आश्चर्यजनक फाइदा

काठमाडौं - केरा हाम्रो स्वास्थ्यका लागि कति फाइदाजनक छ भन्ने कुरा हामी सबैलाई थाहा छ। यसको सेवनले शरीरलाई तत्काल ऊर्जा प्राप्त हुन्छ र यसले पाचन प्रणालीलाई पनि स्वस्थ राख्छ।

्केराको बोक्रा फोहोर होइन, बरू यसले तपाईंको छालाको धेरै समस्या हटाउन मद्दत गर्छ। यसमा पाइने पौष्टिक तत्व र एन्टिअक्सिडेन्ट गुणले तपाईंको छालालाई निखार्ने मात्र नभई स्वस्थ र जवान राख्न पनि मद्दत गर्छ।

डन्डीफोर हटाउन

केराको बोक्रामा एन्टिब्याक्टेरियल र एन्टी इन्फ्लेमेटरी गुण हुन्छ, जसले डन्डीफोर कम गर्न मद्दत गर्छ। यसले छालाको अतिरिक्त तेल र फोहोर हटाएर पिम्पलको समस्यालाई नियन्त्रण गर्छ।

छालाको चमक

केराको बोक्रामा पाइने पोटासियम, भिटामिन सी र एन्टिअक्सिडेन्टले छालालाई पोषण दिन्छ र यसलाई सुधार गर्छ। यसले छालाको निरसपन घटाएर चम्किलो बनाउँछ। केराको बोक्रा प्रयोग गर्दा अनुहारमा फरक चमक आउँछ।

डार्क सर्कल कम गराउन

यदि तपाईं आँखामुनि कालो घेराबाट हैरान हुनुहुन्छ भने केराको बोक्रा प्रयोग गर्नुहोस्। यी डार्क सर्कल कम गर्न धेरै लाभदायक छन्। यसमा पाइने पोषक तत्वले छालालाई हाइड्रेट गर्छ र कालो घेरालाई हल्का बनाउन मद्दत गर्छ।

चाउरीपनामा कमी

केराको बोक्राले अनुहारको चाउरीपना कम गर्न पनि मद्दत गर्छ। यसको प्रयोगले छालाको बुढ्यौली प्रक्रियालाई सुस्त बनाउँछ। यसमा पाइने एन्टिअक्सिडेन्ट र एन्टी एजिङ गुणले छालालाई कडा बनाउँछ र चाउरीपना कम गर्छ।

जलन र चिलाउनबाट राहत

यदि तपाईं आफ्नो छालामा चिलाउने, जलन वा कुनै प्रकारको एलर्जीको अनुभव गर्दै हुनुहुन्छ भने केराको बोक्रालाई प्रभावित क्षेत्रमा लगाउनुहोस्। यसले तपाईंलाई तत्काल राहत दिन मद्दत गर्छ। यसबाहेक यसबाट कुनै हानी हुने छैन।

केराको बोक्रा कसरी प्रयोग गर्ने ? 

छालामा सिधा लगाउनुहोस्

केराको बोक्राको भित्री भाग प्रभावित क्षेत्रमा विस्तारै लगाउनुहोस्। यसलाई १०-१५ मिनेटको लागि छोड्नुहोस् र त्यसपछि मनतातो पानीले धुनुहोस्। यो विधि डन्डीफोर र कालो घेरा हटाउनका लागि धेरै प्रभावकारी हुनेछ।

फेस मास्क बनाउनुहोस्

केराको बोक्रालाई पिसेर त्यसमा मह र कागतीको रस मिसाएर प्याक तयार गर्नुहोस्। यो प्याक अनुहारमा लगाउनुहोस् र १५ मिनेटपछि धुनुहोस्। यो मास्कले छालालाई चम्किलो र टोन गर्न मद्दत गर्दछ।

कालो दागमा लगाउनुहाेस्

केराको बोक्रालाई सानो टुक्रामा काट्नुहोस् र अनुहारको कालो दागहरूमा लगाउनुहोस् । यसलाई १०-१५ मिनेटको लागि छोड्नुहोस् र त्यसपछि यसलाई पानीले सफा गर्नुहोस्। नियमित प्रयोगले कालो दागहरू हल्का हुन थाल्छन्।

- (एजेन्सीको सहयोगमा)