अमेरिकी राष्ट्रपतिको दौडमा तीन राज्यमा जिते ट्रम्पले

वासिंगटन डिसी, फागुन २० - संयुक्त राज्य अमेरिकाका पूर्वराष्ट्रपति डोनाल्ड ट्रम्पले मिशिगन, मिसौरी र इडाहोमा विजय हासिल गरेका छन्।

आफ्नो पार्टीको राष्ट्रपति पदको उम्मेदवारी कब्जा गर्ने दौडमा ट्रम्पले ठूलो गतिमा जित हासिल गरिरहेका छन्।

शनिबार तीन वटै राज्यमा ट्रम्पले संयुक्त राष्ट्र संघका पूर्वराजदूत र उनका अन्तिम प्रतिद्वन्द्वी निक्की हेलीलाई हराउँदै उनले यो विजय हासिल गरेका हुन्।

पूर्वराष्ट्रपतिले अब अर्को हप्ताको ‘सुपर ट्युज्युडे’मा जाने हरेक राज्य नामांकन प्रतियोगिता जितेका छन्, जब १५ अमेरिकी राज्य र एउटा क्षेत्रका मतदाताहरूले प्रत्येक पार्टीको लागि आफ्नो मनपर्ने उम्मेद्वार छानेका हुन्।

मिशिगनमा राज्य रिपब्लिकन पार्टीका अनुसार उम्मेदवारी दिने ककसमा भाग लिएर ट्रम्पले हेलीलाई सबै १३ जिल्लामा हराएका छन्।

१६ सय भन्दाबढी पार्टी भित्रीहरूले पश्चिमी मिशिगन सहर ग्रान्ड र्‍यापिड्सको ककसमा भाग लिएका थिए, जहाँ उनीहरूले जुलाईमा पार्टीको राष्ट्रिय मनोनयन सम्मेलनको लागि ट्रम्प वा हेलीका लागि प्रतिनिधिहरू छानिरहेका थिए।

अमेरिकन सञ्चारमाध्यमका अनुसा ट्रम्पले झण्डै ९८ प्रतिशतको समर्थनमा विजयी भएका हुन्। प्रतिस्पर्धी हेलीले १,५७५ भोटमध्ये जम्मा ३६ मत मात्र पाएकी थिइन्।

मिशिगन रिपब्लिकन पार्टीका अध्यक्ष पिट होइक्स्ट्राले यसलाई अत्यधिक विजय भनेर प्रतिक्रिया दिएका छन्।