गोविन्द केसीसहित ७ जना पक्राउ

काठमाडौं- प्राध्यापक डा.गोविन्द केसीसहित ७ जना माइतीघर मण्डलाबाट पक्राउ परेका छन्।

विभिन्न मागसहित प्रदर्शनमा उत्रिएका केसी र उनका समर्थकहरूले निषेधित क्षेत्र तोड्न खोजेपछि प्रहरीले नियन्त्रणमा लिएको हो।

माइतीघर मण्डलालाई हाल निषेधित क्षेत्र घोषणा गरिएको छ।

केसी नागरिकको भेला भएर प्रदर्शन गर्न पाउने संविधानप्रदत्त अधिकार फिर्ता गर्नुपर्ने भन्दै प्रदर्शनमा उत्रिएका थिए।

उनले सशस्त्र द्वन्द्वकालमा भएका जघन्य तथा मानवताविरोधी अपराधका दोषीहरूलाई दण्डित गर्दै मृतक, घाइते र बेपत्ताका परिवारलाई न्याय हुने गरी संक्रमणकालीन न्यायप्रक्रिया चाँडै टुंगोमा पु¥याउनुपर्ने, चिकित्सा शिक्षा आयोगका निर्देशकहरूको नियुक्ति अदालतबाट रोकिएकोमा तत्काल बाटो खोलेर नियुक्ति अघि बढाउनुपर्नेलगायतका माग राखेका छन्।