.png)
आजदेखि सरकारी कार्यालय ५ बजेसम्म खुल्ने
काठमाडौं- आजदेखि देशभरका सम्पूर्ण सरकारी कार्यालय अपराह्न ५ बजेसम्म खुल्ने भएका छन्।
सरकारले २०७९ चैत २ गते नेपाल राजपत्रमा सूचना प्रकाशित गरी माघ १६ गतेदेखि कार्यालय समय बिहान १० बजेदेखि अपराह्न ५ बजेसम्म हुने जनाएको थियो।
सरकारले गत कात्तिक १६ गतेदेखि माघ १५ गतेसम्म बिहान १० बजेदेखि अपराह्न ४ बजेसम्म कार्यालयको समय तोकेको थियो।
वैशाख १ देखि कात्तिक १५ गतेसम्म र माघ १६ देखि चैत मसान्तसम्म कार्यालय समय साँझ ५ बजेसम्म रहनेछ।
शुक्रबारका दिन बिहान १० बजेदेख िअपराह्न ३ बजेसम्म कार्यालय खुला रहने गृह मन्त्रालयले जनाएको छ।
सरकारले दिउँसो १ : ३० बजेदेखि २ बजेसम्म खाजा खाने समय निर्धारण गरेको छ।
