एन्फाका उपाध्यक्ष दावा लामा पक्राउ

काठमाडौं - अखिल नेपाल फुटबल संघ (एन्फा) का उपाध्यक्ष दावा लामा पक्राउ परेका छन्।

लामालाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।

उच्च अदालत पाटनबाट २०६४ सालमा लागुऔषध खैरो हिरोइन कारोबार मुद्दामा दोषी ठहर भएका लामा फरार थिए।

अहिले प्रहरीले उनलाई पक्राउ गरेर अदालतमा पेस गर्ने तयारी गरेको अनुसन्धान कार्यालयले जनाएको छ।