कांग्रेस केन्द्रीय कार्यसम्पादन समिति बैठक बस्दै

काठमाडौं- नेपाली कांग्रेस केन्द्रीय कार्यसम्पादन समितिको बैठक आज बस्दैछ। 

केन्द्रीय कार्यालय सानेपामा दिउँसो १ बजे बस्ने गरी बैठक बोलाइएको हो।

बैठकमा ११ माघमा हुने राष्ट्रियसभा सदस्य निर्वाचनबारे छलफल हुने जनाइएको छ।

राष्ट्रियसभा सदस्य निर्वाचनका लागि सोमबार मनोनयन दर्ता हुँदैछ। केन्द्रीय कार्यसम्पादन समितिको बैठकबाट कांग्रेसले राष्ट्रियसभा सदस्य निर्वाचनका लागि उम्मेदवार तय हुनसक्ने एक नेताले बताए।

उनका अनुसार बैठकमा समसामयिक राजनीतिक घटनाक्रमबारे पनि छलफल हुने बताइएको छ।

कांग्रेसले केन्द्रीय कार्यसम्पादन समिति बैठकमा उपस्थित हुन समितिका पदाधिकारी र सदस्यहरूलाई अनरोध गरेको छ।