मस्कोमा आतंकवादी हमला हुँदा ४० जनाको मृत्यु

मस्को, चैत ९- रूसको राजधानी मस्कोमा आतंकवादी हमला भएको छ। 

सो आतंकवादी हमलामा परी ४० जनाको मृत्यु भएको छ भने स्थानीय प्रत्यक्षदर्शीले सो संख्या अझ बढी हुन सक्ने जनाएका छन्।

सो घटनामा परी १०० भन्दा बढी घाइते भएका छन्। उनीहरूको स्थानीय अस्पतालमा उपचार भइरहेको छ।

मस्कोनजिक एक म्युजिकल कन्सर्ट चलिरहेको स्थानमा सो हमला भएको हो। सो हलमा यत्रतत्र शवहरू छरिएको देखिएको थियो।

सो हमलाको जिम्मेवारी इस्लामिक स्टेट आइएसएसले लिएको छ।

मस्कोस्थित अमेरिकी दूतावासले भिडभाड हुने क्षेत्रमा नजान यसअघि नै आफ्ना नागरिकलाई अलर्ट गरेको जनाइएको छ।