कोशीमा सत्ता गठबन्धनबाट राप्रपाका अम्बरबहादुरले सभामुखमा उम्मेदवारी दिने

 विराटनगर । कोशी प्रदेशको सभामुखका लागि राप्रपाबाट अम्बरबहादुर विष्टले उम्मेदवारी दिने भएका छन् ।

सत्ता गठबन्ध राप्रपालाई सभामुख दिन यसअघि नै सहमत भइसकेको थियो । राप्रपाको मंगलबार बसेको संसदीय दलको बैठकले सभामुखमा विष्टलाई उम्मेदवार बनाउने निर्णय गरेको हो ।

निर्वाचन कार्यतालिका प्रकाशन भएपछि उम्मेदवारी दिने राप्रपा संसदीय दलका नेता भक्तिप्रसाद सिटौलाले बताए ।

एमालेले पनि सभामुखमा उम्मेदवारी दिने नदिनेबारे छलफल गरिरहेको छ । सत्ता गठबन्धनले राप्रपाका विष्टलाई उम्मेदवार बनाउने भएपछि एमाले अलमलमा छ ।

एमालेले उम्मेदवारी नदिए सभामुखमा विष्ट निर्विरोध निर्वाचित हुनेछन् । यो पनि सम्भावना छ ।

सभामुखको निर्वाचन दिउँसो ३ बजेका लागि तय भएको छ ।