![post-slider](/assets/imgs/ads/1140x100 (2).png)
![post-slider](/assets/imgs/ads/NariBachat900x100.gif)
केपी ओली आइतबार प्रधानमन्त्री नियुक्त हुँदै
![Image](/thumbnails/8af392f4-7f09-47db-9b65-cbb8bac583aa_newskarkahna-news727351..jpg)
काठमाडौं- नेकपा एमाले अध्यक्ष केपी शर्मा ओलीले प्रधानमन्त्रीमा दाबी पेस गरेका छन्।
राष्ट्रपति रामचन्द्र पौडेलले नेपालको संविधानको धारा ७६ को उपधारा (२) बमोजिम प्रधानमन्त्री पदका लागि दाबी पेस गर्न आह्वान गरेलगत्तै ओलीले शुक्रबार राति दाबी पेश गरेका छन्।
उनले नेपाली कांग्रेसको समर्थनमा प्रधानमन्त्रीको दाबी पेस गरेका छन्।
दाबी पेस गर्न एमाले अध्यक्ष ओली, कांग्रेस सभापति शेरबहादुर देउवा, कांग्रेस प्रमुख सचेतक रमेश लेखक, एमाले उपाध्यक्ष विष्णु पौडेल, एमाले प्रमुख सचेतक महेश बर्तौला, पूर्वमहान्यायाधिवक्ता रमेश बराललगायत सितल निवास पुगेका थिए।
प्रधानमन्त्री पुष्पकमल दाहालले शुक्रबार प्रतिनिधिसभा बैठकमा विश्वासको मत नपाएपछि राष्ट्रपति पौडेलले संविधानको धारा ७६ को उपधारा (२) बमोजिम प्रतिनिधिसभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्न सक्ने प्रतिनिधि सभाको सदस्यलाई नेपालको प्रधानमन्त्री पदमा नियुक्ति गर्ने प्रयोजनका लागि आइतबार अपराह्न ५ बजेभित्र दाबी पेस गर्न आह्वान गरेका थिए।
दाबी पेश गरिसकेको हुनाले आइतबार राष्ट्रपतिले ओलीलाई प्रधानमन्त्री नियुक्त गर्ने सितल निवासको तयारी छ। ओलीले सुरूमा कांग्रेस र एमालेका गरेर १५ सदस्यीय मन्त्रिपरिषद विस्तार गर्ने तयारी गरिरहेका छन्।