.png)
त्रिकोणात्मक श्रृंखला : युएईविरूद्ध नेपालको सहज जित
काठमाडौं- त्रिकोणात्मक श्रृंखलाको पहिलो खेलमा नेपालले युएईलाई ७ विकेटले पराजित गरेको छ।
मुलपानी क्रिकेट मैदानमा बुधबारदेखि सुरू भएको श्रृंखलाको पहिलो खेलमा नेपालले युएईलाई ७ विकेटले पराजित गरेको हो।
युएईले दिएको १४१ रनको लक्ष्य नेपालले १८.५ ओभरमा ३ विकेटको क्षतिमा पूरा ग¥यो।
यो लक्ष्य पूरा गर्न नेपालका कप्तान रोहितकुमार पौडेलले अर्धशतकीय इनिङ खेले।
पौडेल ५१ र दीपेन्द्रसिंह ऐरी ३४ रन बनाएर नटआउट रहे।
५१ रन जोड्दा ३ विकेट गुमाएको नेपालका लागि पौडेल र ऐरीले अविजित १२९ रनको साझेदारी गर्दै जित दिलाए।
यसअघि टस हारेर ब्याटिङका लागि निम्तो पाएको युएईले निर्धारित २० ओभरमा ७ विकेट गुमाएर नेपालसामू १४१ रनको सामान्य लक्ष्य प्रस्तुत गरेको थियो।
युएईका लागि वसिल हमिदले अर्धशतक बनाए।
नेपालका लागि करण केसीले सर्वाधिक ३ विकेट लिए। गुलसन झाले २ र सोमपाल कामी तथा अभिनास बोहराले समान १–१ विकेट लिए।
