भारी वर्षासँगै बाढी पहिरोको चेतावनी

काठमाडौं- देशका विभिन्न ठाउँमा अहिले भारी वर्षा भइरहेको छ।

इलाम, सिन्धुली, ताप्लेजुङ, मकवानपुर, काठमाडौं उपत्यका, लमजुङ, दाङ, बर्दिया लगायतका ठाउँमा पछिल्लो ३ घण्टादेखि भारी वर्षा भइरहेको छ।

बाढी सूचना केन्द्रले मकवानपुरका साना ठूला सबै नदी तथा खोलामा बाढी आउने चेतावनी दिएको छ।

यस्तै लमजुङको मर्स्याङ्दीको बिमलनगर जलमापन केन्द्रमा नदी सतर्कता तह पार गरेको छ। दिउँसो १ बजेसम्म नदी आसपास उच्च सतर्कता अपनाउन केन्द्रले आग्रह  गरेको छ।

आज दिनभर नै देशभर भारी वर्षाको सम्भावना रहेकाले यात्रा गर्दा र घरमै रहँदा पनि सचेत रहन आग्रह गरिएको छ।