प्रचण्ड र ओलीबीच भेटवार्ता

काठमाडौं- प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच भेटवार्ता भएको छ।

प्रधानमन्त्री निवास बालुवाटारमा प्रधानमन्त्री प्रचण्ड र एमाले अध्यक्ष ओलीबीच भेटवार्ता भएको हो।

भेटका क्रममा दुवै नेताबीच प्रधानन्यायाधीश नियुक्तिको विषयमा छलफल भएको बताइएको छ।

संवैधानिक परिषदको बैठक बोलाएर प्रधानन्यायाधीश सिफारिस गर्ने विषयमा प्रधानमन्त्री प्रचण्ड र अध्यक्ष ओलीबीच छलफल भएको जनाइएको छ।

भेटमा संसद सञ्चालन, कोसी प्रदेसमा सरकार गठनलगायतका समसामयिक विषयमासमेत दुवै नेताबीच छलफल भएको बताइएको छ।

प्रधानमन्त्री प्रचण्डलाई भेट्न एमाले अध्यक्ष ओली बालुवाटार गएका थिए।