एकीकृत समाजवादीको अध्यक्षमा माधव नेपाल सर्वसम्मत

काठमाडौं - नेकपा एकीकृत समाजवादीले सर्वसम्मत नेतृत्व चयन गरेको छ।

असार १६ गतेदेखि काठमाडौँको कमलादीस्थित प्रज्ञा भवनमा जारी महाधिवेशनबाट अध्यक्षमा माधवकुमार नेपाल सर्वसम्मत चुनिएका हुन्।

सम्मानित नेतामा झलनाथ खनाल र महासचिवमा घनश्याम भुसाल भयन भएका छन्।

नेपाल यसअघि अध्यक्ष, खनाल वरिष्ठ नेता र महासचिव भुसाल नै थिए।

अध्यक्षमा नेपाल र महासचिव घनश्याम भुसालको दाबेदारी रहेकोमा भुसालले नेपाललाई छोड्न तयार भएका थिए।

अध्यक्षमा सर्वसम्मत हुने भएसँगै अन्य पदमा समेत निर्वाचन नहुने भएको छ। अहिले नेताहरूले अन्य पदमा पनि सर्वसम्मत चयनको तयारी गरिरहेको र साँझसम्म नै सर्वसम्मत नेतृत्व घोषणा हुन सक्ने बताइएको छ।