.png)
पिकअपले ठक्कर दिँदा सुन्दरहरैंचाका सुवेदीको मृत्यु
विराटनगर- कोसी राजमार्गमा पिकअपले मोटरसाइकललाई ठक्कर दिँदा एक जनाको मृत्यु भएको छ।
मृत्यु हुनेमा सुन्दरहरैंचा नगरपालिका-८ मोरङका ३२ वर्षीय सुमन सुवेदी रहेका छन्।
आइतबार साँझ सवा ५ बजे धनकुटा नगरपालिका-१ निगालेमा धनकुटाबाट हिलेतर्फ जाँदै गरेको प्रदेश १–०२ ०५३ प ३१६८ नम्बरको मोटरसाइकललाई सोही दिशातर्फ जाँदै गरेको प्रदेश १–०४ ००१ च १३३६ नम्बरको पिकअपले घुम्तीमा ठक्कर दिएको जिल्ला प्रहरी कार्यालय धनकुटाले जनाएको छ।
ठक्कर दिँदा गम्भीर घाइते भएका सुवेदीलाई जिल्ला अस्पताल धनकुटा पुर्याउँदा चिकित्सकले मृत घोषणा गरेका थिए।
मोटरसाइकल चालक दिपेश ढकाल सकुशल छन्। नेपाली सेनामा कार्यरत् सुवेदी ढकालका भिनाजू हुन्। उनी घथर गाउँपालिका-५ ससुरालीतर्फ सालोसँग गइरहेका थिए।
ठक्कर दिने पिकअप गाडीका चालक लक्ष्मण राई र मोटरसाइकल चालक ढकाललाई प्रहरीले नियन्त्रणमा लिएको छ।
