पाकिस्तानमा बम विस्फोट, पाँच प्रहरीको मृत्यु

काठमाडौं- पाकिस्तानको उत्तरपश्चिमी खैबर पख्तुनख्वा प्रान्तमा बम विस्फोट हुँदा ५ जनाको मृत्यु भएको छ भने १४ घाइते भएका छन्।

सोमबार प्रहरीको गाडी नजिकै विस्फोट भएको उद्धार र प्रहरी अधिकारीहरूले बताएका छन्।

विस्फोटमा परी मृत्यु हुने सबै जना प्रहरी रहेको अधिकारीहरूले जनाएका छन्।

प्रदेसको बाजौर जिल्लामा सोमबार बिहान प्रहरीको ट्रकलाई लक्षित गरी बम विस्फोटक पदार्थ प्रहार भएको त्यहाँको प्रहरीले जनाएको छ।

जिल्लामा पोलियो खोप दिने टोलीलाई सुरक्षा दिन गएका प्रहरीलाई निशाना बनाइएको बताइएको छ।

घटनालगत्तै उद्धार टोलीसहित प्रहरीको ठूलो टोली घटनास्थलमा पुगेको र घाइतेहरूलाई नजिककैको अस्पतालमा भर्ना गरिएको छ।

सुरक्षा बलले उक्त क्षेत्रलाई घेरा हालेर वरपरका क्षेत्रमा खोजी अभियान सुरू गरेको छ।

विस्फोटको जिम्मेवारी हालसम्म कुनै समूह वा व्यक्तिले लिएको छैन।