.png)
पाल्पामा टिपर दुर्घटना हुँदा चालक र सहचालकको घटनास्थलमै मृत्यु
काठमाडौं, फागुन ७ - पाल्पामा टिपर दुर्घटना हुँदा दुई जनाको घटनास्थलमै मृत्यु भएको छ।
मृत्यु हुनेमा रुपन्देही तिलोत्तमा नगरपालिका-१६ का प्रदीप कुमाल र १८ वर्षीय मनिष परियार छन्।
सोमबार बिहान ९ बजे पाल्पा माथागढी गाउँपालिका-५ मा लु२ख ५६१ नम्बरको टिपर दुर्घटना हुँदा उनीहरूको मृत्यु भएको पाल्पा प्रहरी प्रवक्ता प्रहरी नायब उपरीक्षक सुगन्ध श्रेष्ठले बताए।
रुपन्देही खैरेनीबाट माथागढी गाउँपालिका-५ स्थित घामिका ढुंगाखानीतर्फ गइरहेको टिपर दुर्घटना भएको श्रेष्ठले बताए।
दुर्घटनास्थलमा प्रहरी गएर अनुसन्धान गरिरहेको छ। कुमाल टिपरका चालक र परियार सहचालक हुन्।
