बिपी राजमार्गमा राति सवारीसाधन चलाउन रोक

काभ्रे - सडक डिभिजन कार्यालय भक्तपुरले बिपी राजमार्गमा राति सवारीसाधन चलाउन रोक लगाएको छ। 

रोशी खोलाको बाढीले विभिन्न खण्डमा सडक बगाएपछि वैकल्पिक ट्र्याक निर्माण गरी सोमबारदेखि आवागमन खुलाइएको थियो।

सडक डिभिजन भक्तपुरले बुधबार सार्वजनिक सूचना जारी गरी भकुण्डेबेसी चौकीडाँडादेखि वर्षेखोलासम्मको ट्र्याकमा जुनसुकै बेला पहिरो जाने सम्भावना छ। 

'निर्माण भए पनि मर्मत तथा सुधार गरी यात्रा थप सुरक्षित बनाउने काम भइरहेकाले जुनसुकै समयमा उक्त खण्डमा सुक्खा पहिरो झर्ने सम्भावना हुँदा बेलुकी ६ बजेदेखि बिहानको ५ बजेसम्म बर्दिबास–सिन्धुली–वर्षेखोला सडकखण्ड बन्द रहने छ,' विज्ञप्तिमा भनिएको छ।