एसी मिलानसँग घरेलु मैदानमै रियल म्याड्रिड पराजित

काठमाडौं- रियल म्याड्रिड च्याम्पियन्स लिग अन्तर्गतको खेलमा एसी मिलानसँग पराजित भएको छ।

मंगलबार राति सम्पन्न खेलमा रियल म्याड्रिड आफ्नै घरेलु मैदानमा ३-१ गोल अन्तरले पराजित भएको हो।

एसी मिलानको जितमा मलिक थिआव, अल्भारो मोराटा र तिज्जानी रेइजडेर्सले गोल गरेका थिए भने एक गोल भिनिसियस जुनियरले गरेका थिए।

रियल म्याड्रिडको यस सिजनमा यो दोस्रो हार हो। यो हारपछि ४ खेलमा ६ अंकसहित रियल म्याड्रिड १७औं स्थानमा रहेको छ।

त्यस्तै, एसी मिलानको पनि ४ खेलमा ६ अंक रहेको छ र लिगमा १८औं स्थानमा रहेको छ।