आइपिएलमा चेन्नई सुपर किंग्सको लगातार दोस्रो जित

काठमाडौं- इण्डियन प्रिमियर लिग (आइपिएल) अन्तर्गत चेन्नई सुपर किंग्सले लगातार दोस्रो जित हासिल गरेको छ। मंगलबार राति सम्पन्न खेलमा चेन्नईले गुजरात टाइटन्सलाई ६३ रनले पराजित गरेको हो।

चेन्नईले दिएको २०७ रनको लक्ष्य पछाएको गुजरातले २० ओभरमा ८ विकेट गुमाउँदै १४३ रन मात्र बनाएको थियो। यसअघि टस हारेर पहिला ब्याटिङ गरेको गुजरातले २० ओभरमा ६ विकेट गुमाउँदै २०६ रन बनाएको थियो।

यो जितपछि चेन्नईको २ खेलमा ४ अंक भएको छ र अंक तालिकामा शीर्ष स्थानमा रहेको छ। अब चेन्नईले आफ्नो तेस्रो खेल मार्च ३१ मा दिल्ली क्यापिटल्सविरुद्ध खेल्ने छ।

त्यसैगरी, गुजरातले भने आफ्नो दोस्रो खेलमा पहिलो हार व्यहोरेको छ। २ खेलमा गुजरातको २ अंक रहेको छ। अब गुजरातले आफ्नो अर्को खेल मार्च ३१ मा सनराइजर्स हैदरावादसँग खेल्ने तालिका रहेको छ।