.png)
धनुषा कांग्रेसले टुंग्यायो महासमिति सदस्य
जनकपुरधाम- नेपाली कांग्रेस धनुषाले जिल्लाबाट प्रतिनिधित्व गर्ने महासमिति सदस्यको टुंगो लगाएको छ।
धनुषा क्षेत्र नम्बर ३ बाट छनोट हुन बाँकी रहेका महासमिति सदस्यहरूको टुंगो लागेको हो।
जिल्लाका चारमध्ये तीन निर्वाचन क्षेत्रबाट १४ औं महाधिवेशनकै बेला महासमति सदस्यहरूको चयन भइसके पनि क्षेत्र नम्बर ३ मा टुंगो लाग्नसकेको थिएन।
धनुषा क्षेत्र नम्बर ३ मा शनिबार मतदान प्रक्रियाबाट मधेसी समूहबाट दुई जना निर्वाचित भएसँगै महासमितिमा प्रतिनिधित्व गर्ने सदस्यहरूको टुंगो लागेको हो।
खुला र दलित समूहमा निर्विरोध भए पनि मधेसीतर्फ सहमति जुट्न नसकेपछि मतदान प्रक्रियाबाट सदस्यहरू चयन भएका छन्।
दुई जना मधेसी पुरुषतर्फ जनकपुधाम उपमहानगरपालिकाका उपमेयरसमेत रहेका किशोरी साह र प्रदेस समिति सदस्य जीवनाथ चौधरी निर्वाचित भएका छन्।
यही समूहमा प्रतिस्पर्धा गरेका पूर्वप्रदेस सांसद शिवचन्द्र चौधरी र रामबाबु यादव पराजित भएका छन्।
यसअघि खुलातर्फ महिला समूहबाट अनामिका उपासक निधि र केन्द्रीय सदस्यसमेत रहेकी मिनाक्षी झा निर्विरोध निर्वाचित भएकी छन्।
त्यस्तै खुला पुरुषतर्फ स्मृतिनारायण झा, रामसरोज यादव, गणेश तिवारी, प्रफुल घिमिरे र संजय गुप्ता पनि निर्विरोध निर्वाचित भएका छन्।
मधेसी महिलातर्फ निलम कर्ण र दलितबाट प्रमिलाकुमारी दास पनि निर्विरोध निर्वाचित भएका छन्।
धनुषा क्षेत्र नम्बर ३ बाट ११ जना महासमिति सदस्यले प्रतिनिधित्व गर्नेछन्।
