रेलले किचेर वृद्धको मृत्यु

काठमाडौं- धनुषामा रेलले किचेर एक वृद्धाको मृत्यु भएको छ।

धनुषाको विदेह नगरपालिकामा ९० वर्षीय विन्देश्वर दासको रेलले किचेर मृत्यु भएको हो।

जिल्ला प्रहरी कार्यालय धनुषाका प्रवक्ता डिएसपी रन्जन आवाले मंगलबार बिहान ९ : ३० बजे वैदेही स्टेशननजिकै ट्र्याक काट्ने क्रममा रेलले किचिएर दासको मृत्यु भएको जानकारी दिए।

मृतक दासको घर भारतको मधुबनी जिल्ला जयनगर बेल्ही रहेको उनले बताए।

रेल धनुषाको कुर्थाबाट जयनगरतर्फ गइरहेको थियो।