जन्ती बोकेको स्कारपिओ पल्टिँदा दुई जनाको मृत्यु

रौतहट- रौतहट जिल्लाको पूर्वीभेग गढिमाई नगरपालिका-६ सिंगारमन धर्मपुरमा जन्ती बोकेको भारतीय नम्बरको स्कार्पियो नहरमा खस्दा दुई जना जन्तीको मृत्यु भएको छ। दुर्घटनामा अन्य केही जन्ती घाइते भएका छन्।

मृत्यु हुनेमा काठमाडौं घर भएका ५५ वर्षीय कुलबहादुर श्रेष्ठ र सर्लाही चक्रघट्टा गाउँपालिका-३ सुन्दरपुरकी ७ वर्षीया स्वेता पण्डित रहेको जिल्ला प्रहरी प्रमुख एसपी दिलीप घिमिरेले बताएका छन्।

घटनास्थल पुगेका इलाका प्रहरी कार्यालय गरुडाका प्रमुख डिएसपी रामेश्वर त्वातीका अनुसार गढीमाई-६ सिङगारमनस्थित भित्री सडकखण्ड धर्मपुर नहरमा धनहारी गाँउबाट सर्लाहीतर्फ जन्ती बोकेर जाँदै गरेको एचआर ७ डी ८३८२ नम्बरको स्कार्पियो गाडी आज बिहान ९ बजे अनियन्त्रित भई नहरमा पल्टिएको थियो। 

उक्त गाडीमा जम्मा १२ जना सवार  सवारमध्ये ५ जना सकुशल रहेका छन्। तीन जना नाम थर वतन नखुलेकाको स्थानीको अस्पतालतर्फ उपचार गर्न पठाइएको प्रहरीले जनाएको छ। चालक भने फरार भएका छन्।