नुवाकोटमा एयर डाइनेष्टीको हेलिकप्टर दुर्घटना, पाँच जनाको मृत्यु

काठमाडौं - नुवाकोटको शिवपुरी गाउँपालिका वडा नम्बर-७ सूर्यचौरमा हेलिकप्टर दुर्घटना भएको छ।

काठमाडौँबाट अपराहन्न १ बजेर १४ मिनेटमा नुवाकोटको स्याफ्रोबेसीको लागि उडेको एयर डाइनेस्टीको हेलिकप्टर नुवाकोटको सूर्यचौरमा दुर्घटनामा परेको हो। उडेको तीन मिनेटमै हेलिकप्टर सम्पर्कविहीन बनेको थियो।

हेलिकप्टरमा क्याप्टेनसहित चार जना विदेशी सवार थिए। प्रहरीले हेलिकप्टरमा सवार चार यात्रु र चालकको मृत्यु भएको जानकारी दिएको छ।

प्रहरीले घटनास्थलबाट चार पुरुष र एक महिलाको शव फेला परेको जनाएको छ। प्रत्यक्षदर्शीले हेलिकप्टर रुखमा ठोक्किएर आगो लाग्दै झरेको बताएका छन्।

दुर्घटनामा परी हेलिकप्टरका क्याप्टेन अरूण मल्ल तथा अन्य चार चिनियाँ नागरिक रहेका छन्। मृत्यु हुनेमा जुटाड ताङ, जिई ली, झिहिङ छी र यियाद वु रहेका छन्।