गाडी दुर्घटनामा घाइते सुदूरपश्चिम प्रदेसका मन्त्री सिंहको निधन

काठमाडौं- गाडी दुर्घटनामा गम्भीर घाइते भएका सुदूरपश्चिम प्रदेस सरकारका आन्तरिक मामिलामन्त्री पृथ्वीबहादुर सिंहको निधन भएको छ।

गाडी दुर्घटनामा गम्भीर घाइते भएका सुदूरपश्चिम प्रदेस सरकारका आन्तरिक मामिलामन्त्री पृथ्वीबहादुर सिंहको निधन भएको छ।

उपचारका क्रममा मन्त्री सिंहको कोहलपुरस्थित नेपालगञ्ज मेडिकल कलेजमा निधन भएको हो।

नेपालगञ्ज मेडिकल कलेजले ५ बजेर ३३ मिनेटमा सिंहलाई मृत घोषणा गरेको हो।

दुर्घटनामा गम्भीर घाइते भएका सिंहलाई नेपाली सेनाको हेलिकप्टरमार्फत उपचारका लागि नेपालगञ्ज मेडिकल कलेज लगिएको थियो।

दुर्घटनामा परेका सिंहकी पत्नी अमृता सिंह र उनकी भाउजु जयादेवी सिंहको बझाङको केदारस्युँ गाउँपालिकास्थित देउरा प्राथमिक स्वास्थ्य केन्द्रमा मृत्यु भएको थियो।

दुर्घटनामा घाइते भएका मन्त्री सिंहका पिएसओ दीपक भण्डारी र गाडी चालक धर्मराज जोशीको नेपालगञ्ज मेडिकल कलेजमा उपचार भइरहेको छ।

उनीहरूको अवस्था पनि गम्भीर रहेको अस्पतालले जनाएको छ।

मन्त्री सिंह चढेको सुपप्र ०१ ००१ झ ४८० नम्बरको गाडी डडेलधुराबाट चैनपुर आउने क्रममा मंगलबार दिउँसो २ बजेतिर केदारस्युँ गाउँपालिकाको धारछडानजिकै दुर्घटना भएको थियो।

गाडी सडकबाट अन्दाजी ५० मिटर तल कालंगा खोला किान बजुवा बगरमा खसेको थियो।