.png)
धादिङ बस दुर्घटना (अपडेट) : ८ जनाको मृत्यु
काठमाडौं - धादिङ बस दुर्घटनामा ८ जनाको मृत्यु भएको छ।
काठमाडौंबाट पोखरातर्फ गइरहेको प्रदेस ३–०१–००५ ख ९९५२ नम्बरको यात्रुबाहक बस धादिङको गजुरी गाउँपालिका–२ चालिसेस्थित छहरामा त्रिशुली नदीमा खसेर दुर्घटना हुँदा ८ जनाको ज्यान गएको हो।
दुर्घटनामा ८ जना घाइते भएका छन्।
बस बिहान सवा ११ बजेतर्फ सडकबाट करिब ४० मिटर तल त्रिशुली नदीमा खसेको थियो।
दुर्घटनामा २ महिला र ६ पुरुष गरी ८ जनाको मृत्यु भएको जिल्ला प्रहरी कार्यालय धादिङका डिएसपी सन्तुलालप्रसाद जयसवालले जानकारी दिए।
घटनास्थलबाट १६ जनाको उद्धार गरिएकोमा ८ जनाको मृत्यु भएकोर ८ जना घाइते भएको उनले बताए।
घाइतेहरूको स्थानीय अस्पतालमा उपचार भइरहेको छ।
घटनास्थलमा नेपाली सेना, सशस्त्र प्रहरी र नेपाल प्रहरीको टोली उद्धारका लागि खटिएका छन्।
