घट्यो सुनको मूल्य, आजको बजार भाउ कति?

काठमाडौं- नेपाली बजारमा सुनको मूल्य आज घटेको छ। हिजो तोलामा एक लाख १२ हजार ८ सय रुपैयाँमा कारोबार भएकोमा आज पाँच सय रुपैयाँले घटेको हो। 

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख १२ हजार तीन सय रुपैयाँ रहेको छ भने तेजावी सुनको मूलय प्रतितोला एक लाख ११ हजार ७५० रुपैयाँ कायम गरिएको छ। 

त्यस्तै, आज चाँदीको मूल्य पनि घटेको छ। हिजो प्रतितोला एक हजार ४८० रुपैयाँमा कारोबार भएका चाँदीको मूल्य आज घटेर प्रतितोला एक हजार ४६५ रुपैयाँ मूल्य कायम गरिएको महासंघले जनाएको छ।