इरानमा बम विस्फोट, कम्तिमा ७३ जनाको मृत्यु

काठमाडौं- इरानको रिभोलुसनरी गार्डस्का जनलर कासिम सुलेमानीको चौथो स्मृति दिवसका दिन उनको चिहान नजिकै भएका दुईवटा विस्फोटनमा कम्तिमा ७३ जनाको मृत्यु भएको छ।

विस्फोटमा परी प्रसारक एरिबले अन्य १७० भन्दा धेरै जना घाइते भएको जनाएको छ।

सुलेमानीको स्मृति दिवसमा केरमन सहरको साहेब अल–जमान मस्जिद नजिकै कार्यक्रम भइरहेको थियो।

केरमन प्रान्तको आकस्मिक सेवाका प्रमुखले ती विस्फोटहरू बमका कारण भएको जनाएका छन्।

अनलाइनमा साझा गरिएका भिडियोहरूमा भुइँमा कैयौं शवहरू छरिएका देखिन्छन्।

सन् २०२० मा छिमेकी इराकमा अमेरिकी ड्रोन हमलामा मारिएका सुलेमानीको सम्झनामा आयोजित समारोहमा बुधबार सयौं मानिसहरू उक्त चिहानतर्फ गइरहेका थिए।

सुलेमानीलाई इरानका सर्वोच्च नेता अयातोल्लाह अली खामेनेइपछि सबैभन्दा शक्तिशाली व्यक्तित्वका रूपमा हेरिन्थे।

रिभोलुसनरी गार्ड्सको विदेशी कारबाही गर्न शाखा क्विड फोर्सका कमान्डरको रूपमा उनी उक्त क्षेत्रभरि इरानी लागु गर्ने एक प्रमुख व्यक्ति थिए।

उनी क्विड फोर्सका गोप्य अभियानहरू चलाउने र उसका सहयोगी सरकार तथा हमास र हिजबुल्लाहलगायत सशस्त्र समूहहरूलाई सहयोग गर्ने कार्यमा क्रियाशील रहेको बताइन्थ्यो।

उनले ती समूहहरूलाई रकम, अस्त्र, गोप्य जानकारी र अन्यखाले सहयोग गर्ने गर्थे।

सन् २०२० मा उनको हत्याको आदेश दिने तत्कालीन अमेरिकी राष्ट्रपति डोनल्ड ट्रम्पले सुलेमानीलाई विश्वकै एक नम्बर आतंकारी भनेका थिए।